دتوحید اصل: دخدای تعالی یواځنیتوب
شهادت د وجود په يواځنيتوب باندي
« د أسمانونو او مځكي او هغه څه چي ددوي تر منځ دي او د مشارقو خداي.» قرآن کریم (سورۀ 37 صافات/ آیه 5)
قران كريم د خداي پر يواځنيتوب باندي ټينگښت كړيدي:
«ستاسي خداي يواځنيي دي او بيله دده څخه بل خداي نسته .» قرآن کریم (سورۀ 2 بقره/ آیۀ 163)
د 1400 سوو نه زياتو كلونو څخه دمخه د اسلام مكرم پيغمبراعلام وكړي چي «هر چا چي خپل ځان وپيزنده په رښتيا سره چي خپل خدای ئی وپیژانده.» د انسان حقیقی هویت د هغه متغیرسلولی موجودیت ،د هغه فکرونه ،لاسته راوړنی او د هغه روانی او احساسی حالات چی همیشه په تغیر کی دی ندی. د مومینانو لارښود حضرت علی (ع) وائی چی: «توحید د اضافاتو اسقاط دی.»
د انسان حقیقی شخصیت د متغیراتو څخه لیری یوه ثابته او لایتناهی جوهره ده. ددی کبله دی چی په اسلام کی د انسان ذاتی هویت اوحقیقی "زه" د هستی د ذات سره مترادف دی. اسلام د توحید د اصل او دوجود د مطلق یواځنیتوب مبشیر دی او د وجود د واځنیتوب قانون او د خدای پر یواځنیتوب باندی ایمان په شهادت کی تجلا پیدا کوی:
«لا اله الاّ الله»
"نسته خدای بیله د الله څخه"
و ذاتي علم ته د تسليم د لاري كوم چي د انسان په دننه كي موجود دي د يواځنيتوب شهادت لاسته راځي. دا پدي معني دي چي د انسان خواست د مطلقي ارادي سره يو ځاي كيږي او مجازي فاصلي اوفردي محدوديتونه د منځه څخه ځي. دادپوره آزادی او عشق مرتبه د شامخو عارفانو په آثارو کی په پوره ډول څرگنده سوی ده .1
دا د سلوک مرتبه ده چی مومن په پوره صداقت او د نیت په پاکوالی سره د خدای تعالی په یواځنیتوب باندی شهادت ورکوی. داسی یو شهادت یواځی په ژبه باندی ندی بلکه دده ټول د جسم ،فکر،زړه او جان موجودیت د حق تعالی د حضور ویندوی کیږی.2
«موږ د ښارگ څخه لا ده ته ورنژدی یو.» قرآن کریم (سوره 50 ق/ آیۀ 16)
ټول مسلمانان د خدای د یواځنیتوب او توحید په باندی ایمان د مهمترین او لومړنی اصل په ټوگه پیژنی او د هغه څخه وروسته الهی لارښوونی د انبیاوود لاری چی حضرت محمد (ص) ئی اخیری او خاتم د نبیانو دی واجب گڼی . د خدای پر یواځنیتوب او مطلق حضور او د حضرت محمد (ص) پر رسالت باندی شهادت په اسلام کی د شهادتینو بنسټ ایږدی او د ټولو مسلمانانو د عقیدی بنسټ دی.3
_____________________________
مآخذ:
1- Molana Salaheddin Ali Nader Angha, Sufism The Reality of Religion (M.T.O. Shahmaghsoudi Publications®, Washington D.C., 2000) p.14
2- Ibid.
3- Houston Smith, World's Religions (Harper San Francisco, 1986) p.146